Kenııa astanasyna kirip ketken arystan bir adamdy jaraqattady
ASTANA. QazAqparat - Kenııa astanasy Naırobıge kirip ketken jabaıy arystan kólikterdiń qashyp bara jatyp, kóshedegi er adamǵa shabýyldaǵan, dep habarlady Reuters agenttigi.
Qazir japa shegýshi aýrýhanaǵa jetkizildi.
Áleýmettik jelilerde Naırobı qoryǵynyń shekarasynan shyǵyp qala shetine kelgen arystan jaıynda jazbalar, sýretter áleýmettik jelide paıda bolǵannan keıin arnaıy qyzmet ony aýlaýǵa shyqty.
Mamandar jyrtqyshty qolǵa túsirgenge deıin ol bir qartty jaraqattady. Arystandy kórgen kóliktegiler dabyldatqan, odan úrikken ań patshasy bassaýǵalap kóshke kezip ketken. Osyndaı sáttiń birinde jyrtqysh aldynan kezdeısoq shyǵyp qalǵan qartqa tap bergen bolyp shyqty.
Eske sala ketsek, Naırobı ulttyq saıabaǵy el astanasynyń irgesinde ornalasqan. Onda jyrtqyshtardyń neshe túri, ári joıylyp bara jatqan qara múıiztumsyq ómir súredi. Túrli ańdar qalaǵa enip ketpes úshin qoryqtyń qala tusyna birneshe qabat myqty qorshaý ornatylǵan. Alaıda bul qorshaý keıbir ańdardyń qalaǵa kirip ketýine kedergi bola almaı otyr.
