Kenııa: alty kún úıindiniń astynda jatqan áıel aman tabyldy
ASTANA. QazAqparat - Naırobıde turǵyn úı opyrylyp qulaǵannan alty kúnnen keıin qutqarýshylar úıindi astynan tiri áıeldi alyp shyqty, dep jazady Bı-bı-sı.
Alty qabatty úı ótken juma kúni sý tasqynyna ákelip soqtyrǵan qatty jaýyn-shashynnan keıin opyrylyp qulady.
Ǵımarat Kenııa astanasynyń negizinen kedeı halyq turatyn aýdandarynyń birinde ornalasqan.
Kem degende 33 adam ólgeni rastaldy, 80-nen astam adam iz-tússiz joǵaldy. 100-den astam adam qutqaryldy.
Dúısenbi kúni polıtsııa qulaǵan ǵımarattyń ıelerin qamaýǵa aldy, biraq keıinnen olar kepildikke bosatyldy.
