Kenııa álemdegi eń úlken bosqyndar lagerin jaýyp tastamaqshy
ASTANA. QazAqparat - Kenııa el aýmaǵynda ornalasqan bosqyndar lagerlerin jaýyp, olardyń el úshin aýyr ekonomıkalyq salmaq túsirip jatqanyna, krımınogendik jaǵdaıdy aıtarlyqtaı qıyndatyp otyrǵanyna, sondaı-aq ekologııalyq problemalar týyndatyp otyrǵanyna sendirýde.
Bul sheshim Dadaab - Somalımen shekarada ornalasqan, 300 myńnan astam adam turatyn álemdegi eń úlken lagerge de qatysty bolyp otyr, dep jazady Bı-bı-sı.
Eger lagerler jabylsa, shamamen 600 myń adam panasyz qalady.
El bıligi sondaı-aq Bosqyndardyń isteri boıynsha departamentti taratty, dep habarlaıdy Frans press.
Kenııa bosqyndar lagerlerin 25 jyl asyrap otyr, dep eske saldy eldiń ishki ister mınıstrliginiń ókili Karandja Kıbıcho.
Dadaab lagerinde negizinen Somalı bosqyndary turyp jatyr. Taratylýy tıis bolǵan Kakýma lagerinde 190 myńǵa jýyq adam bar. Bul negizinen Ońtústik Sýdannan ondaǵy azamattyq soǵys saldarynan ketýge májbúr bolǵan bosqyndar.
