Kenııa Afrıka qurlyǵyndaǵy eń qarqyndy damyp kele jatqan ári bolashaǵy zor memleketterdiń biri — Toqaev
ASTANA. KAZINFORM — Kenııa Afrıka qurlyǵyndaǵy eń qarqyndy damyp kele jatqan ári bolashaǵy zor memleketterdiń biri. Bul týraly Memleket basshysy Qasym-Jomart Toqaevelimizge memlekettik saparmen kelgen Kenııa Respýblıkasynyń Prezıdenti Ýılıam Rýtomen 1-dárejeli «Dostyq» ordenimen marapattaý rásiminde aıtty.
— Búgingi joǵary deńgeıdegi mazmundy ári nátıjeli kelissózder Qazaqstan men Kenııa arasyndaǵy turaqty qarym-qatynastardy tereńdetýge berik negiz qalap, olardy jańa deńgeıge kóterdi. Kenııa — Qazaqstannyń Afrıka qurlyǵyndaǵy mańyzdy ári senimdi seriktesi. Otyz jyldan astam dıplomatııalyq qatynastar barysynda ekijaqty yntymaqtastyǵymyz senim, ózara túsinistik jáne qoldaý rýhynda damyp keledi. Sońǵy jyldary belsendi saıası dıalog pen naqty bastamalardyń arqasynda yntymaqtastyǵymyz jańa serpin alǵanyna erekshe qýanyshtymyn. Biz elshilik ashyp, Naırobıge turaqty rezıdentsııasymen Qazaqstannyń elshisin jiberdik, — dedi Memleket basshysy Táýelsizdik saraıynda ótken kelissózderden keıin.
Qasym-Jomart Toqaev Kenııa Prezıdentiniń belsendi ári jeke qatysy eki eldiń qarym-qatynastarynyń damýynda mańyzdy ról atqarǵanyn, Qazaqstan mártebeli meımandy senimdi dos ári halyqaralyq deńgeıdegi kórnekti memleket qaıratkeri retinde baǵalaıtynyn aıtty.
— Kenııanyń ekonomıkalyq ósimine, jańǵyrýyna jáne halyqtyń ál-aýqatyn arttyrýǵa baǵyttalǵan aýqymdy reformalaryńyz zor qurmetke laıyq. Búginde Kenııa Afrıka qurlyǵyndaǵy eń qarqyndy damyp kele jatqan ári bolashaǵy zor memleketterdiń biri sanalady jáne óńirlik ári halyqaralyq isterde barǵan saıyn mańyzdy ról atqarýda. Sizdiń dana kóshbasshylyǵyńyz, prıntsıpshil ustanymyńyz jáne syndarly dıalogqa degen berik adaldyǵyńyz Afrıkadaǵy birlikti nyǵaıtýǵa, sondaı-aq álemniń túrli seriktesterimen mazmundy yntymaqtastyqty damytýǵa yqpal etti, — dedi Memleket basshysy.
Buǵan deıin Memleket basshysy Qasym-Jomart Toqaevtyń elimizge memlekettik saparmen kelgen Kenııa Respýblıkasynyń Prezıdenti Ýılıam Rýtony Táýelsizdik saraıynda resmı qarsy alý rásimi ótken edi.
