Kengýrý ózdiginen júretin kólikterge kedergi keltirýde
ASTANA. QazAqparat - Volvo kompanııasynyń júrgizýshisi joq ózdiginen júretin kólikterdi basqarý júıesi joldaǵy kengýrýdy anyqtaı almaı jatyr, dep habarlaıdy Bı-Bı-Sı agenttigi.
Kompanııanyń sońǵy S90 jáne XC90 modelderinde iri janýarlardy (Large Animal Detection System), joldaǵy bulan men buǵylardy anyqtaýǵa qabiletti qadaǵalaý júıesi qoldanylǵan, alaıda kompıýterdi kengýrýdyń qozǵalysy shatystyryp jatyr.
«Kengýrý sekirgende ol alysta sekildi kórinedi, alaıda jerge túskende birden jaqynda bolyp qalady», - dep túsindirdi kompanııanyń aýstralııalyq bólimshesiniń tehnıkalyq dırektory Devıd Pıkett.
National Roads & Motorists' Association iri aýstralııalyq avtomobılshiler qaýymdastyǵynyń deregi boıynsha, janýarlarǵa qatysty jol apattarynyń 80%-y kengýrýlardyń úlesinde.
Volvo qaýipsizdik mamandary 2015 jyly kengýrýdyń qatysy bar jol apattaryn zertteýge kiristi.
Alynǵan derekter avtomobılge qaýipti qashyqtyqta jaqyndaǵan kengýrýlardy ýaqtyly anyqtaýǵa qaýqarly radarlar men kameralar júıesin jetildirý úshin qoldanylýda.
