Keńgir sý qoımasynyń mańynan 70 shaqty kıiktiń óleksesi jınaldy

JEZQAZǴAN. KAZINFORM – Tótenshe jaǵdaılar qyzmetkerleri Ulytaý oblysy Keńgir sý qoımasynyń mańynan 70 shaqty kıiktiń óleksesin tapty. 

QR Tótenshe jaǵdaılar mınıstrligi baspasóz qyzmetiniń málimetinshe, Ulytaý oblysyndaǵy Keńgir sý qoımasynyń «Vodosbros» jáne «Spýtnık» saıajaıy mańynda kıik ólekselerin jınaý jumystary júrgizildi. Qutqarýshylar jaǵalaýdaǵy aýmaqty muqııat tekserip, tabıǵatqa zııan keltirmeý maqsatynda qajetti sharalar qabyldap jatyr.

— Júrgizilgen jumystar nátıjesinde 67 ólekse tabylyp, «Ohotzooprom» RMKK qyzmetkerlerine tapsyryldy. Іs-sharalar ekologııalyq ahýaldy turaqty baqylaýda ustaý jáne janýarlar dúnıesin qorǵaý maqsatynda jalǵasady, - delingen habarlamada.

Eske sala keteıik, buǵan deıin kıik órisimen shektesetin sharýashylyq jer telimderiniń shekarasy qaıta belgilenýi múmkin ekenin jazǵan edik.