Keńgir jáne Aınakól sý qoımasy jaǵalaýynda masa ýlaý jumysy júrdi
Masa – ekojúıeniń ajyramas bóligi. Olar búkil álemde taraǵan. Masa kóbine sýdyń mańyna jınalady.
Bul - olardyń súıikti tirshilik etý ortasy. Masa jaǵymsyz yzyńynan basqa, adamdarǵa aıtarlyqtaı qaýip tóndiredi.
Olar qaýipti vırýstar men ınfektsııalardyń ártúrli qozdyrǵyshtaryn tasymaldaıdy.
Masanyń shaǵýy óte aýyr vırýstyq aýrýlardy (entsefalıt, bezgek, qyzba), tipti epıdemııanyń taralý jolyndaǵy alǵashqy qadamdy týdyrýy múmkin.
Buǵan jol bermeý úshin jyl saıyn Ulytaý oblysynda masa kóp jınalatyn jerler kásibı óńdeledi.
2023 jyldyń maýsym aıynda sý aıdyndarynyń anofelogendi aımaqtaryn dezınsektsııalyq óńdeýdiń birinshi kezeńi ótti, 13,5 ga óńdeldi.
Bul - Keńgir sý qoımasy, Qostangeldi kenti (Kombınatskıı), Bekbolatsaı kenti (Rybachıı), Sátbaev qalasy «Aınakól» sý qoımasy.
Baǵalaý qorytyndysy boıynsha óńdeýdiń tıimdiligi - 98,6%.
Sý qoımasyn masadan óńdeý ne úshin qajet:
- qaýipti vırýstyq aýrýlardy juqtyrý yqtımaldyǵyn azaıtý: okrýgte qan soratyn jándikter neǵurlym az bolsa, olardyń shaǵý qaýpi jáne juqtyrý yqtımaldyǵy soǵurlym tómen bolady;
- sanıtarııalyq-gıgıenalyq jaǵdaıdy jaqsartý;
- jándikterdi joıý kezinde qoldanylatyn preparattar men zattar keńistikti dezınfektsııalaýǵa da yqpal etedi, óıtkeni olar jerdi zııankesterden ǵana emes, sonymen qatar qaýipti vırýstar men mıkroorganızmderden de aryltady;
- masalardyń uzaq ýaqytqa aıtarlyqtaı azaıýy, sebebi dezınsektsııa kezinde olardyń úlkeni ǵana emes, sonymen birge olar salǵan jumyrtqalar men dernásilder de joıylady.
