Kenetten paıda bolǵan akýlalardyń kesirinen jaǵajaılar jabyldy - Avstralııa
ASTANA. 21 naýryz. QazAqparat - Avstralııa jaǵalaýlaryn akýlalar qorshaýǵa aldy. Mamandar Pert qalasynyń mańyndaǵy jaǵalaýda júzden astam akýlanyń shoǵyrlanǵanyn baıqaǵan.
Jergilikti qutqarýshylar jýrnalısterge bergen suhbattarynda birinshi ret alyp sý jyrtqyshtaryn 600 metr bıiktikte tikushaqtan baıqaǵandaryn aıtyp, aımaqqa tóngen qaýip týraly jarııalady. Degenmen mamandar olardyń naqty túrin anyqtaı almaǵan. Sondyqtan akýlalardyń qaýipsiz bolýyn da joqqa shyǵarmaıdy. Desek te turǵyndardyń qaýipsizdigi úshin Perttegi qoǵamdyq jaǵajaılarlardyń barlyǵy ýaqytsha jabyldy. Jergilikti telearnalar turǵyndarǵa sýǵa shomylmaýdy eskertti. Al qazir tıisti mamandar akýlalardyń túrin anyqtaý úshin qajetti sharalar jasap jatyr, dep habarlaıdy 24.kz.
