Keńeste áskerı bólimder men mekemelerdegi qarý-jaraqtyń saqtalý máseleleri talqylandy
TANA. 19 tamyz. QazAqparat /Qanat Mámetqazyuly/ - Shyǵys óńiri áskerı prokýrorynyń basshylyǵymen Semeı gornızony basqarý jáne qylmystyq aıyptaý áskerı organdarynyń basshylarynyń qatysýymen vedomstvoaralyq keńes bolyp ótti.
Onda áskerı bólimderde, mekemelerde qarý-jaraqtar men oq-dárilerdiń saqtalýy, zymyran-artılerrııalyq qarý-jaraqtardyń birlesken qoımalaryn kúzetý, qoıma nysandaryn qajetti órtke qarsy jabdyqtarmen qamtamasyz etý máseleleri talqyǵa salyndy. Bul týraly QR Bas prokýratýranyń baspasóz qyzmetinen habarlandy.
«Keńes barysynda áskerı bólimder komandırleri men mekeme basshylaryna jarylǵysh zattardyń qaýipsizdigin qamtamasyz etý boıynsha utymdy is-sharalardy qabyldaý týraly usynymdar jasaldy. Sonymen qatar, qarý-jaraq pen oq-dárilerdiń joǵalý men urlaný faktileriniń aldyn alýǵa qatysty jeke quram arasyndaǵy jumysty belsendire túsý máseleleri sóz boldy. Vedomstvoaralyq keńestiń sheshimine sáıkes, turaqty túrde qyzmet etetin vedomstvoaralyq jumys toby qurylatyn boldy. Atalǵan top qarý-jaraqtar men oq-dárilerdi saqtaý nysandarynyń jınaqylyǵy men qaýipsizdigin tıisti dárejede qamtylýyn baqylaýdy júzege asyrady», - delingen baspasóz aıǵaǵynda.
