«Kenesarynyń denesi Esim han ordasynyń janyna jerlengen» degen málimetti tekserý qajet - E. Isaqulov
ASTANA. Naýryzdyń 3-i. QazAqparat /Qanat Mámetqazyuly/ - «Kenesarynyń denesi Esim han ordasynyń janyna jerlengen» degen málimetti tekserý qajet.
Búgin QR Parlamenti Májilisiniń jalpy otyrysynda QR Premer-Mınıstriniń atyna saýal joldaǵan depýtat Erjan Isaqulov osylaı málim etti, dep habarlaıdy QazAqparat.
«Ońtústik Qazaqstan oblysynyń Tóle bı aýdanyna qarasty Kenesary aýylynda Esim hannyń ordasynyń orny bar. Qazaq halqynyń taǵdyry men tarıhynda Esim hannyń alar orny erekshe ekeni málim. Ataqty han ulttyq tarıhymyzdyń eń aýyr jyldary qazaq taıpalarynyń basyn biriktirip, jońǵar basqynshylaryna kúırete soqqy berdi. Qazaq handyǵyn ortalyqtandyrǵan qýatty memleketke aınaldyrdy. Ol halqymyzdyń jadynda «Eńsegeı boıly Er Esim» dastany arqyly máńgilikke saqtalyp qaldy. Al kónekóz qarııalardan jetken áńgimeler boıynsha Esim han ordasynyń janyndaǵy qorymda qazaqtyń azattyǵy úshin kúreste qurban bolǵan Kenesary hannyń denesi jerlenipti-mys», dedi E. Isaqulov. Sonymen birge, osy ýaqytqa deıin han ordasynda arheologııalyq qazba jumystary júrgizilmegenin aıtqan depýtat, Kenesary han týraly málimetti de tekserý qajettigin alǵa tartty.
«Bundaı ıgi sharalardy sheshýge Úkimetten qoldaý jasalsa», dedi ol.
