Kenesary hannyń bas súıegin Ombydan izdeý kerek - Hangeldi Ábjanov

ASTANA. QazAqparat - Kenesarynyń bas súıegin Ombydan izdeý kerek. Bul týraly búgin Ortalyq kommýnıkatsııalar qyzmetindegi brıfıngte QR UǴA korrespondent-múshesi, t.ǵ.d., professor, «Sh.Ýálıhanov atyndaǵy tarıh jáne etnologııa ınstıtýty» RMQK dırektory Hangeldi Ábjanov málim etti.

«Kenesary babamyzdyń basyn qaıtarý - mańyzdy másele. Qazir bizdiń ınstıtýt memlekettik qoldaý aıasynda osy másele boıynsha jumys júrgizip jatyr. Sońǵy pikir - Kenesarynyń basy Máskeýden de, Peterbordan da tabylmaıtyn sııaqty. Eń qymbat dúnıelerdi saqtaıtyn memlekettik qorǵaý qyzmeti jumys isteıdi. Kenesary hannyń basy sol jerde bolýy múmkin degen boljam bar. Ekinshi boljam boıynsha, Kenesary hannyń basyn Batys Sibirden, Ombydan izdeý kerek degen taǵy bir baılamǵa kelip otyrmyz»,-deıdi ǵalym. Osy oraıda H. Ábjanov bas súıekti izdestirý júrip jatqandyǵyn, bıyl osy másele boıynsha Peterbor , Omby jáne Tomsk murajaılaryna ǵylymı saparlar bolǵandyǵyn atap ótti. «Derek bar, biraq bas súıek joq. Atap aıtqanda bıyl da, jalpy aldaǵy ýaqytta da izdeý jumystary aıaqtalmaıdy. Naqty derekter tabylyp jatsa, súıinshi habar bizden bolsyn»,-dep túıdi ol.