Kenesary hannan jetken Quran Qoja Ahmet ıAsaýı kesenesine tapsyryldy – Erlan Qarın
Maral Ishannyń qazaqtyń sońǵy hanyna syıy quran kitaby qaıta restavratsııa jasalyp Túrkistandaǵy Qoja Ahmet ıAsaýı kesenesine qoıyldy. Bul týraly Qazaqstan Respýblıkasynyń Memlekettik keńesshisi Erlan Qarın málim etti, dep habarlaıdy Kazinform.
«Memleket basshysy Qasym-Jomart Toqaev Túrkistan qalasynda ótken Ulttyq quryltaıdyń ekinshi otyrysynda áıgili Maral Ishannyń Kenesary hanǵa syılaǵan Quran kitabynyń tabylyp, elimizge oralǵanyn súıinshilep jetkizgen bolatyn. Jurtshylyq halqymyzdyń sońǵy hany ustaǵan kıeli kitaptyń Qazaqstanǵa qaıta oralýyn jaqsy yrymǵa balady. Prezıdent tapsyrmasyna sáıkes, quran shildede Qazaqstan Musylmandary dinı basqarmasyna tapsyrǵan edik. Múftııat ony qoljazbalar jáne sırek kitaptar ulttyq ortalyǵyna restavratsııa jasaýǵa berdi», - dep jazdy Erlan Qarın Facebook-tegi paraqshasynda.
Ortalyq qyzmetkerleri 3 aıǵa jýyq ishinde Qurandy qaıta qurastyryp shyqty. Aldymen kitap azot kamerasyna salynyp, onyń paraqtarynda saqtalǵan túrli zııankesterden zalalsyzdandyryldy. Odan keıin fotofıksatsııadan ótkizilip, árbir beti muqııat shańnan tazartyldy. Jyrtylǵan paraqtary qaıta bútindelip, muqabasyn retke keltirip, jetispeıtin tustaryna bylǵary japsyryldy.
«Sońynda Quran qaıta túpteldi. Barlyq restavratsııa jumysy halyqaralyq standarttarǵa saı, kitaptyń paraqtaryna, túpteýine maksımaldy zııan keltirmeıtin túrde júrgizildi. Qurannyń konstrýktıvti elementterine ózgerister engizbeı, túpnusqanyń bastapqy túpteý, tigý, toqý tásilderi qoldanyldy», - deıdi ol.
Memlekettik keńesshisiniń aıtýynsha, aýqymdy jumystyń nátıjesinde Maral Ishan men Kenesary hannan qalǵan qundy mura tolyqtaı jańartyldy. Jaqynda Qazaqstan musylmandary dinı basqarmasy Qurandy Qoja Ahmet ıAsaýı kesenesine tapsyrdy.
«Aldaǵy birshama ýaqyt kıeli kitap qasıetti mekende turady, qalyń kópshiliktiń tamashalaýyna múmkindik jasalǵan. Biraq mádenı murany saqtaýdyń ózindik tártipteri bar. Sondyqtan keıin ol jerge Qurannyń joǵary sapaly kóshirmesi qoıylady. Al kıeli kitaptyń túpnusqasy qoljazbalar jáne sırek kitaptar ulttyq ortalyǵyna berilip, sonda saqtalady», - deıdi ol.
