Keńes zamanynda ІJÓ jan basyna shaqqanda Qazaqstanda eń tómengi deńgeıde boldy - Q. Kelimbetov
ATY. 26 mamyr. QazAqparat /Erlik Erjanuly/ - Biz óz jetistigimizge qýana bilýimiz kerek. Búgin Almatyda ótken "Qazaqstandaǵy sheteldik ınvestıtsııalar: tájirıbe, mindet jáne keleshek" dep atalatyn dóńgelek ústel jıynynda Ekonomıkalyq damý jáne saýda mınıstri Qaırat Kelimbetov osyndaı pikir bildirdi.
"Keńes zamanynda Іshki jalpy ónim jan basyna shaqqanda Qazaqstanda eń tómengi deńgeıde boldy. Táýelsizdik jyldary ol 70-ten 10 myń AQSh dollaryna deıin jetti. Qazir Úkimet Elbasy tapsyrmasymen 2015 jyly ІJÓ-niń kólemin jan basyna shaqqanda 15 myń dollarǵa jetkizý úshin jumys jasaýda", - deıdi Q. Kelimbetov.
Onyń paıymdaýynsha, Qazaqstan qazir TMD elderi arasynda barlyq makroekonomıkalyq kórsetkishter boıynsha Reseıden keıin ekinshi orynda kele jatyr. TMD elderinde daǵdarysqa deıin eshbir elde mundaı ósim bolǵan joq. Sondaı-aq daǵdarystan da biz sııaqty jyldam shyǵa almady. Byltyr ósim 7 paıyzdy qurady, ol bıyl da osy deńgeıde bolady dep boljanýda.
