Keńes Raqyshev «Respýblıka» ZJQ» AQ-nyń aktsıoneri atandy
ALMATY. 17 qańtar. QazAqparat /Erlık Erjanuly/ - «Respýblıka» ZJQ» AQ-nyń 10 paıyzǵa jýyq aktsııasyn jeke tulǵa retinde satyp alǵan Keńes Raqyshev endi qordyń iri aktsıoneri atanýy múmkin.
Ony qordyń Dırektorlar keńesiniń tóraǵasy Danııar Amanov búgin Almatyda ótken baspasóz máslıhatynda málimdedi.
«Qazirgi tańda zeınetaqy jınaqtaý qorynyń 10 aktsıoneri bar. Olardyń arasynda iri qatysýshy aktsıoner joq. Endi K. Raqyshev iri qatysýshy mártebesin alý úderisinde», - deıdi D. Amanov. Onyń aıtýynsha, «SAT & Company» AQ-nyń qojaıyny sanalatyn otandyq ekonomıkadaǵy iri ınvestor Keńes Raqyshevtiń «Respýblıka» ZJQ-nyń aktsıonerleriniń quramyna qosylýyn kezdeısoqtyq deýge bolmaıdy. Belsendi túrde damyp kele jatqan qordyń operatsııalyq jáne ınvestıtsııalyq qyzmeti joǵary deńgeıde boldy. Taza ınvestıtsııalyq qorjynyny da tańdaý jasaýǵa óz yqpalyn tıgizgen. Aktsıoner óz sheshimin qarjy tobyn qurý maqsatynda jasaǵan. Endi bank sektoryna da kirmekshi.
