Keńes Odaǵynyń marshaly Vıktor Kýlıkov dúnıeden ótti
ASTANA. 29 mamyr. QazAqparat - Máskeýde 92-ge qaraǵan shaǵynda Keńes Odaǵynyń marshaly, Keńes Odaǵynyń Batyry Vıktor Kýlıkov dúnıeden ótti.
Bul týraly RBK RF Qorǵanys mınıstrligine silteme jasap habarlady. Marshal aýyr jáne uzaqqa sozylǵan naýqastan keıin qaıtys boldy.
Onymen qoshtasý rásimi 31 mamyrda RF Qarýly Kúshteriniń Mádenıet ortalyǵynda ótedi. V.Kýlıkov Novodevıche qorymyna jerlenbek.
V.Kýlıkov 1921 jyly 5 shildede Orel oblysynyń Novoderevenkov aýdanynda Verhnıaıa Lıýbovsha selosynda dúnıege kelgen. Groznyı áskerı-jaıaý ásker ýchılışesin, ofıtserlik Joǵary brondy tank mektebin, M.V.Frýnze atyndaǵy Áskerı akademııany, Bas shtab Áskerı akademııasyn jáne onyń janyndaǵy akademııalyq kýrsty bitirgen.
Uly Otan soǵysyna belsene qatysýshy, Ońtústik-Batys, Kalının, І-shi Prıbaltıka jáne 2-shi Belarýs maıdandaryndaǵy urystarǵa qatysty. 1943 jylǵy aqpannan 1945 jylǵy mamyrǵa deıin arnaıy tank brıgadasynyń bastyǵy jáne shtab bastyǵy boldy.
1971 jylǵy qyrkúıekten 1977 jylǵy qańtarǵa deıin KSRO Qarýly Kúshteri Bas shtabynyń bastyǵy - Qorǵanys mınıstriniń birinshi orynbasary, 1977-1989 jyldary - KSRO qorǵanys mınıstriniń birinshi orynbasary jáne Varshava sharty qatysýshy-memleketteri Birikken kúshteriniń bas qolbasshysy qyzmetterinde boldy.
Búgingi kúni Keńes Odaǵynyń eki marshaly: Vasılıı Petrov pen Dmıtrıı ıAzov qana tiri júr.
