Keńes Odaǵynyń Batyry Álııa Moldaǵulovanyń eskertkishi aldynda elorda ardagerleri men mektep oqýshylarynyń saltanatty kezdesýi ótti
«Іs-shara bıylǵy Jeńistiń 65 jyldyǵy mereıtoıyna arnalyp otyr. Bul ataýly kúni dúnıejúzindegi memlekettermen qatar Qazaqstanda da erekshe atalyp ótýde. Osyǵan oraı memleketimiz ardagerlerge erekshe qurmet kórsetýde», degen atalmysh ortalyqtyń dırektory Dildash Bıtýova Uly Otan soǵysyna qazaqstandyq 6 myńnan astam qyzdardyń qatysqanyn atap ótti. Qazaqtyń erjúrek qyzy Á.Moldaǵulovanyń eskertkishi «Daryn» ortalyǵyna taqaý jerde ornalasqanyn erekshelikke balaǵan ortalyq basshysy, «ol óz ómiren Otan úshin pıda etken, barlyq jaǵynan da daryndy qyz bolatyn», deıdi.
Sondaı-aq búgingi shara barysynda aǵymdaǵy jyldyń shilde aıynda Astanada ótetin 51-shi Halyqaralyq matematıkalyq olımpıada týy elimizdiń barlyq óńirin aralap, búgin «Daryn» ortalyǵyna qoıylmaq. Osy týdyń aldynda oqýshylar, «soǵys bolmasyn, biz, qazaqstandyqtar bilim týyn odan ári kótere beremiz», dep ant qabyldady.
Aıta keteıik, 1998 jyldan bastap atalǵan halyqaralyq bilim saıysyna qatysqan oqýshylarymyz osy ýaqytqa deıin 57 medal enshilegen bolatyn. Aǵymdaǵy jyly bul bilim saıysy elorda tórinde ótpek. Oǵan álemniń 105 memleketinen daryndy oqýshylar qatysady.
