Keńes Dúısekeev atyndaǵy baıqaý halyqaralyq deńgeıde ótedi
QYZYLORDA. QazAqparat - Kompozıtor Keńes Dúısekeevtiń qurmetine arnalǵan ánshilerdiń respýblıkalyq baıqaý halyqaralyq deńgeıge ıe boldy, dep habarlaıdy QazAqparat tilshisi.
Búgin Qyzylordada Keńes Dúısekeev atyndaǵy dástúrge aınalǵan «Týǵan jer» atty ánshilerdiń respýblıkalyq baıqaýynyń gala-kontserti óz máresine jetip, jeńimpazdar marapattaldy. Sharaǵa qatysqan oblys ákimi Qyrymbek Kósherbaev saıys jeńimpazdaryn quttyqtap, týǵan jerge án arnaǵan kompozıtor K.Dúısekeevke alǵys bildirdi. Aımaq basshysy kelesi baıqaýdan bastap óner báıgesi halyqaralyq deńgeıde ótetinin jetkizdi.
Baıqaýdyń úshinshi ornyn Batys Qazaqstannan kelgen Aıbek Dáýletqalı Almaty oblysynyń ókili Aqerke Qurban jáne qostanaılyq Tasqyn Ájibaı ıelendi. Ekinshi oryn atyraýlyq Muratbek Jumashev jáne qyzylordalyq Araılym Mahanbetjanovaǵa buıyrdy. Birinshi oryndy qazylar alqasy Ońtústik Qazaqstannan kelgen «Saryn» trıosyna berdi, al bas júldeni qyzylordalyq ánshi Rınat Úsenov jeńip aldy.
Bıylǵy óner báıgesinde Keńes Dúısekeevtiń Qyzylorda qalasynyń 200 jyldyǵyna arnaǵan Syr eli» ániniń tusaýy kesidi.
Aıta keteıik, Respýblıkalyq baıqaý 2008 jyldan bastap eki jylda bir márte turaqty túrde ótkizilip keledi. Óner báıgesi bıyl altynshy márte ótti.
Avtory: Ádiljan Úmbet
