«Kendirli» halyqaralyq kýrortyn damytý jobasy nege toqtap tur
ASTANA. KAZINFORM – Týrızm jáne sport mınıstrligi Mańǵystaý oblysyndaǵy «Kendirli» halyqaralyq kýrortyn damytý jobasynyń toqtatylý sebebin atady.
«Kendirli» kýrorttyq demalys aımaǵynyń qurylys jobasy Mańǵystaý oblysynyń 2021-2025 jyldarǵa arnalǵan keshendi jospary sekildi qujattarda kórsetilgen. Osy jobaǵa ınvestorlar bastamashylyq jasaǵan kezde 22 myń oryndyq 22 qonaqúı men 4 000 vılla, sonymen qatar ınvestorlar esebinen 3,5 shaqyrymdyq qoný jolaǵy bar áýejaı, sý tushytatyn zaýyt, shaǵyn elektr stantsııasy, tazalaý qondyrǵylary, jylyjaılar sekildi nysandaryn salý josparlanǵan edi. Qazirgi tańda Mańǵystaý oblysynyń Aqtaý qalasy mańyndaǵy Jyly jaǵajaı kýrorttyq aımaǵyndaǵy birqatar ınfraqurylymdyq jáne iri ınvestıtsııalyq jobany aıaqtaý qajettigine, sonymen qatar ınvestorlardyń bul jobadan bas tartýyna baılanysty «Kendirli» halyqaralyq kýrortyn damytý jobasy toqtap tur», - dep atap ótti mınıstrlikten agenttiktiń resmı saýalyna oraı.
Eske salsaq, buǵan deıin Imantaý-Shalqar kýrorttyq aımaǵyn damytý úshin ınvestorlarǵa 20-ǵa jýyq jer ýchaskesi berilgenin jazǵan edik.
