Keń jolaqty ınternetti damytpaı turyp, aqparattyq tehnologııalar salasynda basqaǵa qol jetkizem deý beker sóz - Premer-Mınıstr
ASTANA. Qyrkúıektiń 17-ci. QazAqparat /Qanat Mámetqazyuly/ - Búgin Qazaqstan ІT-kompanııalarynyń ІІ-sezine qatysqan Úkimet basshysy Kárim Másimov Baılanys jáne aqparat mınıstrligine elimizdegi keń jolaqty ınternetti odan ári damytýdy tapsyrdy.
Jıyn barysynda sóz sóılegen Premer-Mınıstr eldegi ınternetti damytý máselesin qozǵaı kele: «Keń jolaqty ınternetti damytpaı turyp, aqparattyq tehnologııalar salasynda basqaǵa qol jetkizem deý beker sóz. Meniń oıymsha, biz bul baǵytta múldem artta qalyp baramyz», dedi.
Sonymen birge, Úkimet basshysy qazaqstandyq aqparattyq tehnologııalar salasy birshama artta qalyp otyrǵanyn eske saldy. Máselen, Úkimet basshysynyń paıymdaýynsha, elimizdegi aqparattyq tehnologııalar úderisinde damý qarqyny baıqalmaıdy. «Qazaqstan halqy az - 16 mln. aınalasy, al Belarýstarda odan da az - 10 mln. adam. Alaıda, ІT tehnologııanyń ınnovatsııalyq ortasy bizden góri joǵary», dedi K. Másimov.
Budan bólek, Úkimet basshysy aldaǵy ýaqytta uıymdastyrylatyn aqparattyq tehnologııalarǵa qatysty keńestiń alǵashqy otyrystaryna udaıy qatysyp otyrýǵa nıet bildirdi. «Rasynda, bul salaǵa úlken demeý, qozǵalys qajet. Sondyqtan da men aqparattyq tehnologııalarǵa arnalǵan keńestiń alǵashqy otyrystaryna qatysyp otyrýǵa ýáde beremin. Sodan keıin úderis ózi aǵynymen júrýi shart», dedi K. Másimov.
