Keń jolaqty ınternet bilim salasynda mańyzdy tirekke aınalady - E. Saǵadıev
ASTANA. QazAqparat - Keń jolaqty, joǵary jyldamdyqty ınternet bilim salasynyń mańyzdy tiregine aınalady. Búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Bilim jáne ǵylym mınıstri Erlan Saǵadıev osylaı málim etti.
«Bilim berý ınfraqurylymy aldaǵy bilim jáne ǵylymdy damytýdyń negizgi baǵyttarynyń biri bolyp tabylady. Biz elimizdegi mektep jetispeýshiligin «Nurly jol» baǵdarlamasy arqyly sheshetin bolamyz. Bıyl 24 mekteptiń qurylysy aıaqtalyp, Úkimet jańadan 42 mekteptiń qurylysyna kirisetin bolady. Buǵan qosa, jergilikti ákimdikter de mektepter salatyn bolady. Budan bólek, bilim berý salasynda ınternet mańyzdy tirekke aınalady», - dedi E. Saǵadıev.
Mınıstrdiń aıtýynsha, aldaǵy ýaqytta mektepter úshin ınternettiń mańyzy arta túsetin bolady. Soǵan oraı, aldaǵy úsh-tórt jylda mektepter oqýshylarynyń keń jolaqty ınternetpen qoljetimdiligi 90 paıyzǵa jetedi.
«Álemde júzdegen tanymal onlaın-ýnıversıtetter bar, onda mıllıardtaǵan adamdar qashyqtyqtan oqyp jatyr. Osyndaı revolıýtsııany paıdalanbaýdyń ózi kúná. Biz ózimizdiń praktıkamyzda osyny engizýimiz kerek. ıAǵnı, ınfraqurylymda joǵary jyldamdyqty ınternet bilim berý júıesiniń tiregine aınalady. Osy arqyly jańa bilimder men osy saladaǵy tásilderdi engizýge múmkindik keńeıedi, barlyq oqýshylarmen qosa, oqytýshylardyń deńgeıi de birdeılenedi. Ekinshiden, biz oqý úderisterin jańǵyrtýdy aıtarlyqtaı arttyra alamyz. Bul biz úshin búgingi tańda asa qajet», - dedi mınıstr.
