Ken resýrstary qorynyń azaıýy: mıneraldyq-shıkizat bazasyn tolyqtyrý boıynsha sharalar kúsheıedi

ASTANA. KAZINFORM — Dástúrli ken resýrstarynyń barlanǵan qorynyń azaıýyna baılanysty Qazaqstan mıneraldyq-shıkizat bazasyn tolyqtyrý jáne ony turaqty paıdalaný baǵytynda júıeli sharalardy qabyldamaqshy. Bul týraly Ónerkásip jáne qurylys mınıstrligi málimdedi.

Basty sharalar:

• «Kim birinshi kelse – soǵan artyqshylyq» qaǵıdatyna negizdelgen batys-aýstralııalyq úlgidegi jer qoınaýyn paıdalaný modeli engizildi, bul geologııalyq barlaýǵa jeke ınvestıtsııalar tartýǵa serpin berdi.

• 2026 jylǵa qaraı geologııalyq barlaý jumystarynyń aýmaǵy 1,9 mln-nan 2,2 mln sharshy shaqyrymǵa deıin keńeıtiledi.

• CRIRSCO halyqaralyq standartynyń engizilýi men geoderekterdi tsıfrlandyrý barlyq ınvestorlarǵa perspektıvaly ýchaskelerge teń ári ashyq qoljetimdilik qamtamasyz etedi.

• Tabystylyqtyń ishki normasy (IRR) 15%-dan tómen jobalar úshin paıdaly qazbalar óndirýge salynatyn salyqtan (NDPI) 5 jylǵa deıin bosatý qarastyrylǵan, bul kúrdeli ken oryndaryn ıgerý úshin qolaıly jaǵdaı jasaıdy.

• 55 mlrd tonnadan astam tehnogendik mıneraldyq túzilimderdiń (TMT) pasporty jasalyp jatyr — bul bolashaqta qaıta óńdeýge tartýǵa bolatyn qýatty shıkizat kózi.

Qazaqstan jer qoınaýyn paıdalanýdaǵy resýrstyq derbestik pen uzaqmerzimdi ınvestıtsııalar tartý jolynda senimdi túrde alǵa ilgerilep keledi.

Eske sala keteıik, buǵan deıin Qazaqstanda boljamdy resýrstary bar 38 perspektıvaly ýchaske anyqtalǵanyn jazǵan edik.