Ken oryndaryn kompanııalardan eshkim tartyp almaıdy - Erlan Qoshanov
Búgin palatanyń jalpy otyrysynan keıin tilshiler E. Qoshanovqa Ata Zańǵa jerdiń jáne tabıǵı resýrstardyń ıesi halyq degen normany birjola bekitýge qatysty suraq qoıdy. Osy oraıda bul normaǵa sáıkes halyq bul baılyqqa qalaı ıelik ete alatyny suraldy.
«Negizi, bul norma ádil jáne durys dep oılaımyn. Sebebi jerdiń de, sýdyń da, jerdiń ústindegi de, astyndaǵy da baılyqtyń ıesi halyq bolýy kerek. Sondyqtan Prezıdenttiń usynysymen osy norma engizildi. Bul baılyqty halyq qalaı paıdalana alady? Ken oryndaryn qaraıtyn bolsaq, olardy ıgeretin ınvestorlardyń, kompanııalardyń tólegen salyǵy, ashqan jumys oryndary arqyly bıýdjetke qarajat túsedi. Al bıýdjetke túsken qarajat arqyly áleýmettik máseleler sheshiledi. Bul uǵymdy durys túsiný kerek. Konstıtýtsııaǵa engizilgen ózgeris degenimiz ken oryndarynyń bárin kompanııalardan nemese ınvestorlardan qaıta tartyp alý degendi bildirmeıdi. Eger olar zańdy buzbaı jumys istese, onda jumysyn ári qaraı jalǵastyra beredi. Biraq zańdy buzsa, onda onymen basqa organdar aınalysady», - dedi Májilis tóraǵasy.
Budan buryn habarlanǵandaı, QR Parlamenti Májilisiniń tóraǵasy Erlan Qoshanov keleshekte Tuńǵysh Prezıdenttiń mártebesi zańnamadaǵy eks-prezıdent týraly normalarmen retteletinin aıtty.
