Keń kabınetten bas tartqan aýdandyq ákimdik 32 mln teńge únemdedi
Memlekettik organdar men uıymdarda klıentke baǵyttalǵan orta qurý jumystary júrgizilip jatyr.
«Barlyq óńirde memlekettik mekeme basshylary birinshi qabatqa shyny áınekpen qorshalǵan kabınetterge kóshirilip jatyr. Kedergisiz front-keńseler, bek-keńseler jáne open-space jumys oryndary ashylýda. Tikeleı maǵynasynda memlekettik qyzmetshiler men azamattar arasyndaǵy qashyqtyq azaıyp keledi», - dedi ol Sybaılas jemqorlyqqa qarsy Ulttyq bıýroda ótken brıfıngte.
O. Bektenov zamanaýı ashyq formatqa aýysqan elordalyq Saryarqa aýdany ákimdiginiń tájirıbesin mysalǵa keltirdi.
«Qabyrǵalardy súrip, keń kabınetterden bas tartý arqyly aýqymdy keńistik únemdeldi. Qyzmetkerlerdiń arasyn shyny áınekter ǵana bólip tur. Ákim birinshi qabattaǵy 17 sharshy metrlik kabınetke kóshirildi. Kez kelgen turǵyn qabyldaý bóliminde bógelmesten, ákim bólmesine tike kire alady. Ǵımarattyń myń sharshy metrden asatyn ekinshi qabaty túgel bosatyldy. Osylaısha, jalǵa alý quny boıynsha bir jylda 32 mln teńge únemdeldi», - dedi orynbasar.
Onyń aıtýynsha, respýblıkada 100-den astam memlekettik mekemeler dál osyndaı ózgeristerden ótti. Sonymen birge, mektep dırektorlary keń kabınetterin oqýshylarǵa berip, kireberiske aýysady.
