Keń aýqymdy antıtsıklon Qazaqstanǵa shýaqty kún raıyn ákeledi - 25 qazanǵa arnalǵan aýa raıy boljamy
ASTANA. 24 qazan. QazAqparat - 25 qazanda Qazaqstannyń basym bóliginde keń aýqymdy antıtsıklonnyń yqpalymen shýaqty kún raıy kútilýde, dep habarlaıdy Qazgıdrometke silteme jasaı otyryp TJM-niń baspasóz qyzmetinen.
Respýblıkanyń tek shyǵys, batys óńirleri jáne ońtústik oblystarynyń jekelegen aýdandary atmosferalyq aǵymdardyń yqpalynda bolyp, keıbir jerlerinde jaýyn-shashyn (shyǵysta - qar), ekpindi jel bolýy múmkin.
Jambyl, Ońtústik Qazaqstan, Qyzylorda oblystarynyń birqatar aýdandarynda jyldamdyǵy 15-20 m/s deıin jel soǵady.
Atyraý jáne Qaraǵandy oblystarynda túnde jáne tańerteń keıbir jerlerde tuman túsýi yqtımal.
Aldaǵy táýlikte Batys Altaı ózenderiniń basym bóliginde sý deńgeıi kóterilýi múmkin. Qazaqstannyń soltústik oblystaryndaǵy sý nysandarynda sý betiniń odan ári salqyndaýy baıqalady.
