Kemirgishtermen kúres: Almatyda deratızatsııa jumystary qalaı júrip jatyr
ALMATY. KAZINFORM – Almatynyń úsh aýdanynda deratızatsııa jumystary aıaqtaldy.
Almaty ákimdiginiń málimetinshe, 15 qyrkúıekten 31 qazanǵa deıin Almatyda kemirgishterdiń kóbeıýiniń aldyn alýǵa baǵyttalǵan deratızatsııa jumystary júrip jatyr. Qazirge deıin 20 gektardan astam aýmaq dárilenip, Alataý, Jetisý jáne Medeý aýdandaryndaǵy jumystar tolyq aıaqtaldy. Aldaǵy kúnderi deratızatsııa Almaly, Bostandyq, Áýezov, Túrksib jáne Naýryzbaı aýdandarynda jalǵasady.
– Kúzgi maýsymda jalpy kólemi shamamen 47,3 myń gektar aýmaqty qamtý josparlanǵan. Oǵan jasyl aımaqtar, ózen jaǵalaýlary, sý aıdyndary, aıaldamalar, konteıner alańdary men jeke sektor kiredi. Jeke sektor turǵyndaryna tegin ýlaǵysh jem men ony paıdalaný jónindegi nusqaýlyq beriledi, - dep habarlady ákimdikten.
Deratızatsııa máseleleri boıynsha «Eko Servıs Almaty» dıspetcherlik qyzmetine habarlasýǵa bolady: +7 705 225 13 31, +7 705 118 77 88.
Eske salaıyq, «Taza Qazaqstan» baǵdarlamasynyń aıasynda kemirgishterdi joıý sharasynyń ekinshi kezeńi ótetinin jazǵanbyz.