Kemerovodaǵy órtten zardap shekkender sany 47 adamǵa ósti
ASTANA. QazAqparat - Reseıdiń Kemerovo qalasyndaǵy «Zımnıaıa vıshnıa» saýda úıinde shyqqan órt saldarynan zardap shekkender sany 47 adamǵa ósti. Mundaı derekti dúısenbi kúni Reseı TJM basshysynyń orynbasary Vladlen Aksenov málim etti, dep habarlaıdy TASS.
«Barlyǵy 84 adam zardap shegip, sonyń ishinde 37 adam, ókinishke oraı, qaza tapty. Qalǵandaryna medıtsınalyq kómek kórsetilip jatyr», - dedi ol jedel keńeste.
V.Aksenov 64 adamnyń iz-túzsiz joǵalǵandyǵyn atap ótti.
Sondaı-aq, ol janyp jatqan ǵımarattyń opyrylý qaýpi baryn habarlady.
«Qabataralyq jabyndar shógip jatyr, olar opyrylýy múmkin», - dedi ol jedel keńeste.
Budan buryn «Zımnıaıa vıshnıa» saýda úıinde shyqqan órtten 37 adamnyń qaza tapqany habarlanǵan edi. Taǵy 43 adam zardap shekken.
Órt saýda úıiniń sońǵy 4-qabatynan shyqqan. Ǵımarattan 20 adam qutqaryldy, taǵy 100 adam qaýipsiz jerge shyǵaryldy.
Sońǵy málimet boıynsha, tilsiz jaý aýyzdyqtalǵan. Órt 1,5 myń sharshy metr aýmaqty sharpyǵan.
