Kemerovodaǵy órtke qysqa tuıyqtalý sebep bolýy múmkin
ASTANA. QazAqparat - Kemerovonyń «Zımnıaıa vıshnıa» saýda ortalyǵynda bolǵan jan túrshigerlik órt qysqa tuıyqtalýdyń saldarynan tutanǵan bolýy múmkin. Bul jaıly TASS habarlaıdy.
«Bizdiń pikirimizshe, jaryqshamnyń toq ótkizgish bólikterine artyq kúsh túsken. Dál nelikten ekenin bilmeımiz, biraq apattyń basy sol jerden bastalǵan. Túpkilikti sebep jaryqshamda bolýy múmkin», - deıdi Reseıdiń TJM órtti qadaǵalaý jónindegi memlekettik ınspektory Rınat Enekeev.
Ol órttiń naqty sebepterin júrgizilip jatqan saraptamalardyń qorytyndysy boıynsha arnaıy jasaqtalǵan komıssııa anyqtaıtynyn aıtty.
Eske sala keteıik, Reseıdiń Kemerovo qalasyndaǵy alapat órt 64 adamnyń ómirin qıǵan bolatyn, sonyń 41-i balalar edi.
