Kemerovodaǵy órtke baılanysty Reseıde jalpyulttyq Aza tutý kúni jarııalandy
ASTANA. QazAqparat - RF prezıdenti Vladımır Pýtın Kemerovodaǵy órtke baılanysty 28 naýryzdy qaraly kún dep dep jarııalaý týraly jarlyqqa qol qoıdy. Bul jaıly prezıdenttiń baspasóz qyzmetine silteme jasap TASS habarlaıdy.
«2018 jylǵy 25 naýryzda Kemerovo oblysynyń Kemerovo qalasynda bolǵan órt saldarynan kóp adam qaza taýyp, zardap shekti. Qaıtys bolǵandardyń týystary men jaqyndarynyń qaıǵysyna ortaqtasa, 2018 jylǵy 28 naýryzdy RF-da qaraly kún dep jarııalansyn», - delingen qujatta.
Qaraly kúnde eldiń búkil aýmaǵynda memlekettik tý túsiriledi.
Eske salaıyq, 25 naýryz kúni Reseıdiń Kemerovo qalasynda «Zımnıaıa vıshnıa» saýda úıinen órt shyǵyp, sońǵy derekterge sáıkes 64 adam qaza tapty. Onyń 41-i bala edi. Qazirge deıin qurbandardyń 25-iniń tulǵasy anyqtaldy.
Memleket basshysy Nursultan Nazarbaev Reseı Federatsııasynyń Prezıdenti Vladımır Pýtınge kóńil aıtý jedelhatyn joldaǵan bolatyn.
foto:© Donat Sorokın/TASS
