Kemerovodaǵy órt qurbandarynyń sany artty
ASTANA. QazAqparat - Tergeý komıteti Kemerovodaǵy «Zımnıaıa vıshnıa» saýda úıinde shyqqan órt saldarynan 56 adamnyń qaza tapqanyn rastady. RF TK resmı ókili Svetlana Petrenko habarlaǵandaı, taǵy 44 adam zardap shekken, dep habarlaıdy TASS.
«Órt týraly qylmystyq isti tergeý barysynda Kemerovodaǵy saýda ortalyǵynda 56 adamnyń qaza tapqany rastaldy», - dep málimdedi ol.
«Órt bastalǵanda 44 adam medıtsınalyq mekemege kómek surap kelgen, onyń ishinde 10 adam statsıonarda jatyr», - dedi S.Petrenko.
Tótenshe jaǵdaıdy joıý boıynsha jedel shtabta taǵy 16 adamnyń izdestirilip jatqany habarlandy. «Olar tórtinshi qabattan úshinshi qabatqa opyrylyp túsken kınozalda bolýy múmkin», - dep túsindirdi agenttiktiń derekkózi.
Budan buryn 53 adamnyń qaza tapqany habarlanǵan edi.
Reseı TJM basshysy Vladımır Pýchkov munyń eń qıyn jumys ýchastogy ekendigin atap ótti.
«Men izdeý jumystaryn júrgizý úshin qosymsha eki ýchastok qurýdy tapsyrdym», - dep málim etti ol.
Budan buryn «Zımnıaıa vıshnıa» saýda úıinde shyqqan órtten 37 adamnyń qaza tapqany habarlanǵan edi. Taǵy 43 adam zardap shekken.
Jedel shtabtan saýda ortalyǵyndaǵy órttiń sóndirilgenin habarlady.
Memleket basshysy Nursultan Nazarbaev Reseı Federatsııasynyń Prezıdenti Vladımır Pýtınge kóńil aıtý jedelhatyn joldady.
Foto: Maksım Grıgorev/TASS
