Kemerovodaǵy órt qurbandarynyń sany 53-ke jetti
ASTANA. QazAqparat - Qutqarýshylar Kemerovodaǵy «Zımnıaıa vıshnıa» saýda ortalyǵynda órt bolǵan jerden 53 adamnyń múrdesin tapty. Bul týraly TASS jedel shtabqa silteme jasap habarlaıdy.
«Kınoteatr aýmaǵynan taǵy 5 adamnyń denesi tabyldy. Qaza tapqandardyń jalpy sany 53 adam», - dedi shtab ókili.
Sondaı-aq, ol aýrýhanaǵa 12 adam jetkizilgenin, al zardap shekken 36 adamǵa ambýlatorlyq kómek kórsetilgenin málim etti.
Shtabta habarlanǵandaı, qazir 16 adam izdestirilip jatyr. «Olar tórtinshi qabat opyrylǵan kezde úshinshi qabatqa túsip ketken kınozaldarda bolýy múmkin», - dep túsindirdi agenttiktiń derekkózi.
TJM basshysynyń orynbasary Vladlen Aksenov budan buryn 48 adamnyń qaza tapqanyn habarlaǵan edi.
«Úsh kınozaldyń ekeýi tórtinshi qabattan úshinshi qabatqa opyrylyp tústi», - dedi ol.
Reseı TJM basshysy Vladımır Pýchkov munyń eń qıyn jumys ýchastogy ekendigin atap ótti.
«Men izdeý jumystaryn júrgizý úshin qosymsha eki ýchastok qurýdy tapsyrdym», - dep málim etti ol.
Budan buryn «Zımnıaıa vıshnıa» saýda úıinde shyqqan órtten 37 adamnyń qaza tapqany habarlanǵan edi. Taǵy 43 adam zardap shekken.
Jedel shtabtan saýda ortalyǵyndaǵy órttiń sóndirilgenin habarlady.
