Kemerovoda «janýarlar úıinde» 115 ıt tirideı órtenip ketti
ASTANA. QazAqparat - Itter men mysyqtarǵa arnalǵan "Vernost" panalaý ornynyń ıeleri órt qasaqana jasaldy dep sanaıdy.
Kemerov aýdany ıAgýnovo aýylynda ornalasqan janýarlarǵa arnalǵan úıde órttiń shyǵýy týraly habar tótenshe jaǵdaılar qyzmetine keshe, jergilikti ýaqyt boıynsha saǵat 23:26-da tústi. Qutqarýshylar anyqtaǵandaı, jalyn ıtterge arnalǵan torly oryndardyń birinen shyǵyp, kórshi qurylystarǵa kóshken.
«Janýarlar úıin» ashqan Tatıana Medvedeva 115 ıt tirideı otqa oranǵanyn, 25-i qutqarylǵanyn habarlady. Sonymen qatar tilsiz jaý saldarynan mysyqtar da qyrylǵan, olardyń sany anyqtalý ústinde.
Tatıana Medvedevanyń sózine qaraǵanda, bul oqıǵadan bir apta buryn metsenattardyń biri janýarlar úıine jańa ǵımarat syılaǵan. Janýarlardy jaqyn kúnderi kóshirý josparlanǵan bolatyn.
