Kemerovoda Pavlodar mektebiniń burynǵy oqytýshysy da qurban bolýy múmkin edi
PAVLODAR. QazAqparat - №16 mektep-lıtseıdiń oqytýshylary Reseıdiń Kemerovo qalasynda bolǵan órtten qaza tapqan Natasha Ýstınova men onyń anasyn eske alady, dep habarlaıdy QazAqparat tilshisi.
«Baranova Natalıa Pavlodardyń 16-mektebin 1999 jyly bitirgen. 21 maýsymda bitirý keshi boldy. Sol jerde oǵan qyzyl attestat tabys etildi. Ol tek «bestik» alatyn, oqýshylardyń aldy edi. Olardy biletinder qazir zor qaıǵymen eske alady, bizdiń áriptesterimiz kórshi turatyn edi. Shynynda da úlgili otbasy, úlgili oqýshy edi», - deıdi Pavlodardaǵy №16 mektep-lıtseıdiń dırektory Tatıana Mıgýnova.
Lıtseıdiń burynǵy oqytýshysy Ekaterına Alekseevna Şerbınına da biraz ýaqyt buryn Kemerovoǵa kóship ketken. Onyń qaıǵyly oqıǵanyń qurbany bolýyna az-aq qalǵan eken.
«Şerbınına Ekaterına Aleksandrovna da búgingi kúni qaıǵydan qan jutyp otyr. Olar sol kúni kúıeýimen birge kınoǵa barmaq bolady, biraq kútpegen jerden kúıeýin issaparǵa shaqyrǵan. Ekaterına oǵan renjise de, bıletterin tapsyrǵan», - deıdi dırektor.
