Kemerovoda órtengen «Zımnıaıa vıshnıa» saýda úıin buzyp jatyr
ASTANA. QazAqparat - Seısenbi kúni Kemerovada naýryz aıynda bolǵan órttiń saldarynan 60 adam qaza tapqan «Zımnıaıa vıshnıa» saýda úıi ǵımaratyn qulatý jumystary bastaldy. Birinshi kezekte qosalqy ǵımarattar ketedi, dep habarlaıdy TASS.
Kemerovo oblysynyń gýbernatorynyń ýaqytsha mindetin atqarýshy Sergeı Tsıvılevtiń aıtýy boıynsha, bul - «Zımnıaıa vıshnıa» keshenin josparlanǵan túrde bólshekteý jumystarynyń alǵashqy satysy.
«Biz "Zımnıaıa vıshnıa» saýda úıi ǵımaratyn bólshekteýge kirisýdemiz. Barlyq jumystar kezeńderge bólingen, búgin - alǵashqysy, ıaǵnı qosalqy ǵımarattardy buzýdan bastadyq», - dedi Tsıvılev.
Kemerovo oblysynyń gýbernatorynyń ýaqytsha mindetin atqarýshysynyń aıtýynsha, «Zımnıaıa vıshnıa» SÚ aınalasynda ne ornalasatyny jóninde keńestiń aldyn-ala nátıjeleri bekitilip qoıǵan. Kópshiliktiń tańdaýy skverge túsken. Sonymen qatar, Tsıvılev alańnyń aınalasynda qala turǵyndary qurylys barysyn óz kózderimen baqylaı alý úshin eki veb-kamera ornatylatynyn aıtty.
«Kýzbasstyń 60% astam turǵyny, dálirek aıtqanda, 400 myń adam bul jerde skverdiń bolǵanyn qalaıtynyn jetkizgen», - dep bólisti Tsıvılev.
Sergeı Tsıvılevtiń sózi boıynsha, áli skver mańaıynda naqty qandaı qurylystyń bolatyny anyqtalmady: eskertkish nemese kishigirim shirkeý ornalasýy múmkin. Qala basshysy Ilıa Serdıýktyń málimdeýinshe, bul aýmaqty dem alý ornyna aınaldyrý týraly sheshim maýsymnyń basynda bekitilýi yqtımal.
«8 maýsymǵa taman atalmysh aýmaqty dem alatyn dep bekitýge arnalǵan áreketter uıymdastyrylǵan. Skverge aınaldyrý týraly sheshimge alyp-qosary bar qala jurtshylyǵyn dál osy jerde ótetin jalpy tyńdalymdarǵa shaqyramyz», - dedi Seredıýk.
Dúısenbide Kemerov oblysynyń gýbernatory menshik ıelerimen barlyq máseleler talqylanyp, jónge kelgenin aıtty. TASS habarlaǵandaı, saýda úıinde ǵımarattardy ártúrli ýaqyttarda satyp alǵan jalpy 40 ıelenýshi bar eken, al negizgisi - Kemerovo kondıterlik kombınaty. «Zımnıaıa vıshnıany» qulatqannan keıin alańdy osy jyldyń 1 qyrkúıegine deıin aıaqtaý josparlanýda.
25 naýryzda «Zımnıaıa vıshnıa» saýda oıyn-saýyq ortalyǵy órtke orandy. Sońǵy málimetter boıynsha, qaıǵyly oqıǵa kezinde 60 adam qaza tapqan, 79 adam japa shekken. Segiz adam aıypty dep tanylyp, qylmystyq is qozǵaldy.
Sabına Birjanqyzy
