Kemerovoda Aman Tóleevtiń kelisiminsiz bıýdjet qarjysyn bólýge tyıym salyndy
ASTANA. QazAqparat - Kemerovo oblysynyń gýbernatory Aman Tóleev omyrtqasyna jasatqan otadan keıin birinshi jumys jınalysynda qaramaǵyndaǵylarǵa óziniń kelisiminsiz iri somadaǵy bıýdjet qarjysymen kez kelgen operatsııa júrgizýge tyıym saldy.
Bul týraly RIA «Novostı» habarlady.
«Barlyǵy meniń baqylaýymda bolǵanyn bilesizder, qazir ózim bekitken baǵdarlamalardy qadaǵalap otyrmyn. (Gýbernatordyń qarjy jónindegi orynbasary - bas qarjy basqarmasynyń basshysy Igor) Malahovqa iri aqshamen baılanysty isterdi mensiz sheshýine tyıym salamyn. Meniń kelisimimsiz eshteńe istemeý kerek, (gýbernatordyń birinshi orynbasary Vladımır) Chernovoımen kelise otyryp, atqarý qajet», - dedi Tóleev.
Kýzbass gýbernatory 22 mamyr kúni onkúndik demalysqan ketken edi.
Tek bir aı ótken soń, 22 maýsym kúni gýbernatordyń orynbasary Valerıı Tsoı Tóleevtiń Germanııada omyrtqasyna ota jasatqanyn málimdedi.
1 shilde kúni Tóleevti Máskeýge TJM ushaǵymen alyp keldi.
Kemerovo oblysynyń basshysy Kýzbassqa 12 tamyz kúni oraldy.
