Kemerovo oblysyndaǵy «Raspadskaıa» shahtasynda 12 adam mert boldy, 41 adam jaralandy
ASTANA. Mamyrdyń 9-y. QazAqparat - Keshe túnde Reseıdiń Kemerovo oblysyndaǵy «Raspadskaıa» shahtasynda bolǵan eki jarylystyń saldarynan 12 adam qaza taýyp, 41 adam jaralandy,
dep habarlaıdy RBK agenttigi.
Metannyń birinshi jarylysy senbi, mamyrdyń 8-i kúni keshke oryn alǵan. Oqıǵa kezinde jer astynda 350-den astam adam bolǵan.
Al ekinshi jarylysy mamyrdyń 9-y kúni máskeý ýaqyty boıynsha saǵat 01.25-te, qutqarý operatsııalary kezinde boldy. Shahtany kók tútin basqandyqtan, adamdardy izdestirý jáne qutqarý jumystary ýaqytsha toqtatyldy. Qazirgi tańda jerdiń astynda 64 shahter jáne 20 qutqarýshy qalyp otyr.
Apat ornynda oblys gýbernatory Aman Tóleevtiń basshylyǵymen arnaıy shtab jumysy uıymdastyryldy.
Reseı Prezıdenti Dmıtrıı Mevedev shahterlardy qutqarýǵa barlyq qajetti kúshti jumyldyrýǵa tapsyrma berdi.
