Kemeron «Avatardyń» birden úsh jalǵasyn túsirýge kirispek
ASTANA. 17 jeltoqsan. QazAqparat - 2009 jyly «Avatar» fılmin túsirgen rejısser Djeıms Kemeron atalǵan tanymal fantastıkalyq blokbasterdiń birden úsh jańa serııasyn Jańa Zelandııada túsirgeli jatqandyǵyn aıtyp berdi.
Bul jaıynda ol dúısenbide prodıýser Djon Landaý men Jańa Zelandııanyń premer-mınıstri Djon Keımen kezdesken kezde habarlady.
Jańa kartınalar Lightstorm Entertainment jáne Twentieth Century Fox kınostýdııalarynda túsiriledi.
VVS-diń jazýynsha, Kemeron úsh fılmniń túsirilimin bir ýaqytta, ıaǵnı shamamen 9 aıdyń ishinde aıaqtaýdy josparlap otyr. Týyndynyń birinshi sıkveli prokatqa 2016 jyly shyǵady dep kútilýde.
Óz kezeginde Jańa Zelandııa Úkimeti kıno túsirýshilerge 25 paıyzdyq salyqtyq jeńildikti usynýǵa kelisimin berdi.
Aıta keteıik, «Avatar» fılmi amerıkalyq kınoakademııanyń úsh marapatyna ıe bolyp, kınematograf tarıhynda eń tabysty fılmderdiń biri retinde tanyldy.
