Kemeron «Avatar» fılminiń jalǵasyn túsirmek
ASTANA. Qyrkúıektiń 14-i. QazAqparat - «Tıtanık» jáne «Tuńǵıyq» fılmderi boıynsha muhıtqa degen erekshe yqylasymen tanylǵan amerıkandyq rejısser Djeıms Kemeron óziniń atyshýly «Avatar» fılminiń jalǵasyn muhıt tuńǵıyǵyna negizdemek.
Pandora ǵalamsharyndaǵy sý astyndaǵy tirshilikke arnalǵan kelesi fılmine materıal jınaý úshin rejısser álemdik muhıttyń eń tereń núktesi - 11 shaqyrymnan asatyn Marıan oıpatyna túspek, dep habarlaıdy ITAR-TASS agenttigi.
"Sandı taıms" aptalyǵynyń habarlaýynsha, ataqty rejısser daıyndyq jumystaryna aǵymdaǵy jyldyń sońyna kirispek.
«Kelesi fılmde Pandora muhıtyna nazar aýdarǵym keledi», dep málim etken Kemeron, muhıt tuńǵıyǵyndaǵy oqıǵalardyń ormandaǵy tirshilikti arqaý etken birinshi fılmnen de tartymdy bolatyndyǵyna úmit artyp otyr.
Pandoranyń sýasty álemi týraly fılmi 2014 jyly jaryqqa shyǵyp qalýy múmkin.
