Kemeniń apatqa ushyraǵan kezinen beri 100 jyl ótken soń «Tıtanıktiń» qaldyqtary ıÝNESKO qorǵaýyna ótedi
ASTANA. 6 sáýir. QazAqparat - Keme apatynan keıin 100 jyl ótken soń «Tıtanıktiń» qaldyqtary jerasty mádenı murasy nysany retinde ıÝNESKO qorǵaýyna ótedi, dep habarlady ITAR-TASS. Bul týraly keshe uıymnyń kommıýnıkesinde málim etildi.
«Tıtanık» 1912 jylǵy 14 sáýirden 15-ine qaraǵan túni Altantıka sýlarynda muztaýmen soqtyǵysyp sý túbine batqan bolatyn. «Bıyl bul qaıǵyly oqıǵaǵa 100 jyl tolyp otyr, sondyqtan da onyń qırandylary sýasty muralaryn qorǵaý týraly 2001 jylǵy ıÝNESKO Konventsııasymen qorǵaýǵa alyndy», delingen mátinde.
Uıymda keme qırandylary Nıýfaýnlend araly mańyndaǵy halyqaralyq sýlarda tórt shaqyrymdyq tereńdikke batqan, sondyqtan da birde bir eldiń apat ornyn ıelenýge quqyǵy joq dep atap kórsetti. «Budan bylaı konventsııaǵa qatysýshylar apat ornynda tabylǵan nysandardy ruqsatsyz taratýǵa, satýǵa, tonaýǵa jáne joıýǵa kedergi jasaı alady, - dep atap ótilgen qujatta. - Olar qırandylardy qorǵap, onda qalǵan adam múrdelerine muqııat bolýdy qamtamasyz etýge barlyq múmkin bolǵan sharalardy qabyldaı alady».
ıÝNESKO-nyń sýasty mádenı muralaryn qorǵaý týraly konventsııasy 2009 jyldyń qańtarynda kúshine endi. Qazirgi kezde ony 41 memleket ratıfıkatsııalady.
«Tıtanık» 1911 jyly 31 mamyrda sýǵa túsirilgen kezde ol álemdegi eń iri keme boldy. 1912 jyly 10 sáýirde ol aǵylshynnyń Saýtgempton aılaǵynan shyǵyp, Nıýı-Iorkke bet aldy. Tórt kún ótken soń keme Soltústik Altantıkada muztaýmen soqtyǵysyp, sýǵa batyp ketti. Onyń bortyndaǵy 2224 jolaýshy men ekıpaj músheleriniń 1513-i qazaǵa ushyrady.
