Kemeni júrgizý erejesin buzǵan áskerı azamat 4 jylǵa sottaldy
ASTANA. QazAqparat - Aqtaý garnızonynyń áskerı soty aǵa leıtenant J.-ǵa qatysty qylmystyq isti qarap, sońy adam ólimine ákep soqtyrǵan keme júrgizý erejesin buzǵany úshin (QR Qylmystyq kodeksiniń 465-baby) 4 jylǵa sharty túrde bas bostandyǵynan aıyrdy, dep habarlaıdy «QazAqparat» HAA tilshisi QR Áskerı sotynyń baspasóz qyzmetine silteme jasap.
Habarlamada aıtylǵandaı, sot aıyptalýshy J.-nyń 2016 jyldyń 29 sáýirinde saǵat 03:19 shamasynda Qazaqstan Respýblıkasynyń aýmaǵyndaǵy teńiziniń jaǵalaýynan 6-7 mıl qashyqtyqta jaýyngerlik kezekshilikte bolyp, ishinde Aqtaý qalasynyń turǵyndary bar «Amýr» úlgisindegi qaıyqty kóredi.
«Amýr» úlgisindegi qaıyqty tapqan aǵa leıtenant J., kemeni baǵyttaı almaı jáne qashyqtyqty durys baǵamdamaýdyń saldarynan «Amýr» motorly qaıyǵyna soǵysqan. Sonyń saldarynan qaıyq sýǵa batyp, V. Esimdi azamat sýǵa aǵyp ketken», - dep atap ótti baspasóz qyzmeti.
QR Qylmystyq kodeksiniń 63-babynyń negizinde onyń jazasy shartty túrde óteletin bolady. Sottyń úkimi zańdy kúshine enbedi.
