Kemeńgerliktiń 30 jylyndaǵy bir jetistik - shuǵylaly Nur-Sultan

ALMATY. QazAqparat - Táýelsiz Qazaqstannyń tarıhynda Nursultan Ábishuly Nazarbaevtyń alar orny aıryqsha. Elbasynyń eren eńbeginiń biri - shuǵylaly Nur-Sultan qalasyn aıtýǵa bolady. Osyndaı oıymen QR Joǵarǵy Keńesiniń burynǵy depýtaty Záýre Qadyrova bólisti, dep habarlaıdy QazAqparat tilshisi.

Záýre Qadyrova 1990-1995 jyldary QR Áleýmettik qamsyzdandyrý jáne áleýmettik qorǵaý mınıstri, Parlament Májilisiniń birneshe shaqyrylym depýtaty bolǵan. Ol Qazaqstan alǵash táýelsizdik alǵan qıyn-qystaý zamannan bastap Tuńǵysh Prezıdentpen birge el ahýalyn jaqsartý sapynda qyzmet ekenin de maqtan tutady.

«Álbette 30 jyl adamzat úshin tarıhtyń bir sáti sııaqty. Biraq Qazaqstan úshin 30 jyl úlken ózgeris ákeldi. Men osy ýaqytqa deıin kóp oń ózgeristerdiń kýási bolyp kelemin. Eń basty Nursultan Nazarbaevtyń táýelsiz Qazaqstandy qurýdaǵy eńbegin aıtsam bolady. Men táýelsiz Qazaqstannyń birinshi Áleýmettik qorǵaý mınıstri boldym. Sol jyldary halyqtyń ahýaly óte qıyn edi. Zeınetkerlerge zeınetaqynyń ózi úlken qıyndyqpen beriletin. Qazir 30 jyldan soń, ondaı jaǵdaı bolmaǵandaı, Allaǵa shúkir halyqtyń jaǵdaıy jaqsy. Ekinshiden, jaı ǵana baıaǵy eski-tyń ıgerýshiler qalashyǵy bolǵan Tselınogradtyń álemge áıgili astanaǵa aınalýynyń ózin aıtsańyzshy. Bul transformatsııany búkil álem baqylady. Buǵyrny Tselınograd qalasy jaı ǵana ortanqol qalanyń biri bolatyn. Táýelsizdik jyldarynda tipti quldyrap ketip edi. Qazir ol Eýrazııa júregine aınaldy. Búgingi kezdesýde QR Tuńǵysh Prezıdentiniń Qazaqstannyń damýyna qosqan 30 jyl eńbegi aıtyldy. Meniń oıymshsha, bul taqyryp áli talaı kitapqa ǵana emes ǵylymı zertteýlerge de azyq bolary anyq», - dedi Qadyrova Záýre.