Kemelerdi lańkester shabýylynan qorǵaýdyń tetikteri keńeıtiledi
ASTANA. QazAqparat - Parlament Senatynyń jalpy otyrysynda Teńiz keme qatynasy qaýipsizdigine qarsy baǵyttalǵan zańsyz is-árekettermen kúres týraly konventsııa hattamasy ratıfıkatsııalandy, dep habarlaıdy QazAqparat.
«Hattama lańkestik dep tanylatyn áreketterdiń tizimin keńeıtedi. Kemelerge shabýyl jasalǵan jaǵdaıda jedel áreket etý men kómek kórsetý tetikterin anyqtaıdy. Búginde 40-tan astam memleket qujattyń qatysýshysy bolyp otyr ári olardyń ishinde Qara teńiz ben Baltyq teńizi mańyndaǵy barlyq memleket bar», - dep atap ótti Investıtsııalar jáne damý mınıstri Jeńis Qasymbek.
Osy oraıda Kaspıı teńizi mańyndaǵy barlyq memlketter búginde ratıfıkatsııa jumystaryn atqarýdy.
«Qazir Qazaqstannyń saýda kemeleri ashyq teńizderdegiń porttarǵa deıingi baǵyttardy belsendi túrde ıgere bastady. 2017 jyly Aqtaý portynan Túrkııaǵa 35 myń tonna basty júkter tasymaldandy. Bıyl bul tasymaldyń kólemin úsh esege arttyramyz dep josparlap otyrmyz», - dedi mınıstr.
Belgili bolǵandaı, Reseıdiń ishki sý joldarynda Qazaqstan kemeler úshin jeńildetilgen tranzıttik tártibin engizý RF-pen EAEO aıasynda qol jetkizildi. Bul rette tıisti kelisim bar jáne osy baǵytta tasymaldaý kólemin arttyrýǵa yqpal etedi. Hattamany ratıfıkatsııalaý ashyq teńizde júzetin otandyq kemelerdiń qaýipsizdigin qamtamasyz etýdiń quqyqtyq kepildikterin kúsheıtýge yqpal etedi. Sonymen qatar, qujatty maquldaý bıýdjetten qosymsha qarjy bólýdi talap etpeıdi.
