Keme apatynan 42 adam opat boldy
ASTANA. QazAqparat - Iemen jaǵalaýyndaǵy keme apatynyń saldarynan 42 zańsyz mıgrant ajal qushty.
Bul qaıǵyly oqıǵa eldiń ońtústigindegi Shabva provıntsııasy jaǵalaýynan birneshe shaqyrym jerde oryn aldy, dep habarlaıdy Agence France-Presse.
Iemen qorǵanys mınıstrliginiń málimetinshe, opat bolǵandardyń basym bóligi Afrıka eliniń azamattary. Jaǵalaý kúzetiniń qyzmetkerleri qutqarý sharasy kezinde 30-ǵa jýyq adamdy sýdan alyp shyqqan. Olar Maıfaa qalasyndaǵy bosqyndar lagerine jiberildi.
Aıta keteıik, Efıopııa men Somalı mıgranttary Saýd Arabııasyna bara jatqan jolda Iemendi kóbine kólik aýystyrý beketi retinde paıdalanady. 2012 jyly osy elge Afrıkadan 84 myńǵa jýyq adam kelgen.
