Keme apatyna ushyrap elsiz aralda qalǵan teńizshiler qutqaryldy
ASTANA. QazAqparat - AQSh-tyń jaǵalaýdaǵy kúzeti keme apatynan keıin elsiz aralǵa deıin júzip barǵan úsh teńizshini taýyp aldy. Qazirgi zamannyń Robınzondary úsh kún elsizde jatqan. Olar jaǵajaıda palma japyraqtarynan qurastyryp jazǵan «HELP» sózi kómektesti. Bul týraly CNN agenttigi habarlady.
Shaǵyn keme daýyl kezinde apatqa ushyraǵan, úsh adamnan turatyn ekıpajy Mıkronezııa Federatıvtik shtattarynda ornalasqan Fanadıktegi elsiz araldyń birine sheıin júzip jetken.
Qumdaǵy «HELP» (qutqaryńdar) degen jazý men sary tústi qutqarý keıdeshelerin qolymen bulǵaǵan adamdardy Japonııadaǵy Mısava bazasynan ushyp bara jatqan AQSh-tyń R-8 áskerı ushaǵynan baıqap qalǵan.
