Kembrıdj ben Brıstol Ulybrıtanııadaǵy eń qymbat stýdenttik qalalar bolyp shyqty
ASTANA. 7 maýsym. QazAqparat - Kembrıdj ben Brıstol Londondy úshinshi orynǵa yǵystyryp, stýdentter turý úshin eń qymbat jer bolyp tanyldy, dep habarlady ITAR-TASS.
Brıtandyq «Haart» jyljymaly múlik agenttiginiń zertteýleri Birikken Koroldiktiń 24 eń bedeldi ýnıversıtetine jatatyn «Rassel» joǵary oqý oryndary tobynda oqıtyn stýdentter turýynyń naqty qunyn eseptep shyǵardy.
Sonyń nátıjesinde birinshi orynǵa Kembrıdj shyqty, onda stýdentterge kampýstegi jatatyn oryn úshin aptasyna 150 dollar tóleý qajettigi aldyn ala eskertiledi, sonymen birge ýnıversıtet erejesinde oqýshy jumys jasamaýǵa tıisti aıtylady. Ekinshi orynda - Brıstol, onda aptasyna Kembrıdjden góri 5 dollar kem tóleıdi. Tizim sońyndaǵy Lıd ýnıversıtetinde jatyn orynǵa aptasyna 90 dollar tóleýge týra keledi.
Ulybrıtanııadaǵy joǵary bilim aqysy álemdegi eń qymbaty dep sanalady. Máselen, «Rassel» joǵary oqý oryndary tobyndaǵy London ekonomıka jáne saıası ǵylymdar mektebinde bir jyl oqý 13 myń dollarǵa túsedi, buǵan stýdenttik jataqhanada turý aqysy qosylmaıdy.
