Kembrıdj ádistemesi negizinde 1-11 synyptarǵa qazaq tilin deńgeılik oqytý baǵdarlamalary jasaldy - BǴM
ASTANA. QazAqparat - Kembrıdj ádistemesi negizinde 1-11 synyptarǵa qazaq tilin deńgeılik oqytý baǵdarlamalary jasaldy. Bul týraly 18-21 qarashada ótkizilgen Úkimettiń «Mınıstrge suraq qoı» atty onlaın-konferentsııalar serııasynda QR Bilim jáne ǵylym mınıstri Aslan Sárinjipov málim etti.
«Kembrıdj ádistemesi boıynsha, jalpy bilim berý mektepteriniń 1-11 synyptaryna arnalǵan qazaq tilin oqytýdyń deńgeılik bilim berý baǵdarlamalary jasaqtaldy, - dep atap ótti mınıstr. - Bıyl jańa oqýlyqtar men oqý-ádistemelik quraldar kesheni synaqtan ótýde. 2017 jyldyń qyrkúıeginen bastap, eldegi mektepterde qazaq tilin deńgeılik oqytý engiziledi».
Sonymen qatar, mınıstr eldegi aǵylshyn tiliniń oqytylý deńgeıine toqtaldy.
Onyń sózi boıynsha, mektepterde aǵylshyn tilin oqytý áli de qanaǵattanarlyq deńgeıde emes.
«Aǵylshyn tili brıtan baspasynan shyqqan oqýlyqtarmen oqytylýda. Aǵylshyn tiliniń aptasyna tek eki saǵat qana ótkizilýinen bilim sapasy tómen qalyp otyr», - dedi A. Sárinjipov.
