Kelissózdiń kelesi raýndy 17-18 aqpanda AQSh-ta ótedi – Zelenskıı

ASTANA. KAZINFORM – Ýkraına prezıdenti Vladımır Zelenskıı Vashıngtonnyń Reseımen kelissózdiń jańa kezeńin 17 jáne 18 aqpanda AQSh-ta ótkizý týraly usynysyn qabyldady. Alaıda Reseıdiń bul kúnder men orynǵa kelisý-kelispeýi týraly ázirge aqparat joq, dep habarlaıdy DW aqparat agenttigi.

Agenttikttiktiń shamalaýynsha, Ýkraına jáne AQSh delegatsııalary arasyndaǵy kelissózdiń jańa kezeńinde ókilder «kúrdeli aýmaqtyq máselege nazar aýdaryp», AQSh-tyń Donbasta býferlik «erkin ekonomıkalyq aımaq» qurý týraly usynysyn talqylaıdy.

Zelenskııdiń aıtýynsha, eki tarap ta bul ıdeıaǵa kúmánmen qaraıdy.

- Bizdiń bul másele boıynsha kózqarasymyz ártúrli. Biz kelesi másele boıynsha kelistik: kelesi kezdesýge bul qalaı kórinýi múmkin degen kózqaraspen oralaıyq - dedi Zelenskıı Bloomberg agenttigine.

Eske sala ketsek, Reseı, Ýkraına jáne AQSh arasyndaǵy Abý-Dabıdegi úshjaqty konsýltatsııalardyń ekinshi kúninde taraptar 314 tutqyn almasý týraly kelisimge keldi.