Kelispegenderge – aıyppul: Qazaqstandyqtar qujat alarda saýsaq izin tapsyrady
2024 jyldyń 1 qańtarynan bastap pasport pen jeke kýálikti rásimdeý kezinde azamattardan saýsaq izi alynady. Daktıloskopııalyq tirkeýdiń mindetti bolatynyn Іshki ister mınıstrliginde ótken brıfıngide Kóshi-qon qyzmeti komıtetiniń aǵa ınspektory Nurjan Janabaev aıtty, dep habarlaıdy QazAqparat tilshisi.
«Daktıloskopııalyq tirkeý – bul saýsaqtardyń papıllıarlyq úlgileriniń qurylymdyq erekshelikteri týraly aqparat alý. Mindetti daktıloskopııalyq tirkeý elimizde 2024 jyldyń 1 qańtarynan bastalady. 12 jasqa deıingi balalardan basqa, QR barlyq azamattary jáne Qazaqstanda turaqty turatyn sheteldikter daktıloskopııalyq tirkeýge jatady. 12 jastan 16 jasqa deıingi balalar daktıloskopııalyq tirkeýden erikti negizde ótedi. Saýsaq izderin alý Halyqqa qyzmet kórsetý ortalyqtarynda jeke kýálikti, pasportty, sheteldiktiń elde turýǵa yqtııarhatty jáne azamattyǵy joq adamnyń kýálikti resimdeýi kezinde júrgiziletin bolady”, – dedi spıker.
Nurjan Janabaevtyń aıtýynsha, saýsaq izderin alý protsesinen bas tartqany jaǵdaıda azamatqa Ákimshilik quqyq buzýshylyq kodeksiniń 443-1-babyna sáıkes jaza qoldanylady.
