Kelisim merzimi bitti: Izraıl HAMAS-qa qarsy soǵysty qaıta bastady
Gaza sektoryndaǵy bitim merzimi aıaqtaldy. Izraıl armııasy Gaza sektoryndaǵy soǵys qımyldaryn qaıta bastaıtynyn málimdedi. Kazinform bul týraly TsAHAL resmı akkaýntyna silteme jasap habarlaıdy.
Izraıl armııasy Gaza sektoryndaǵy áskerı qımyldardyń qaıta bastalatynyn resmı habarlady.
TsAHAL áleýmettik jelidegi qysqasha málimdemesinde HAMAS bitim shartyn buzdy dep aıyptady.
«Izraıl qorǵanys kúshteri HAMAS lańkestik uıymyna qarsy soǵys qımyldaryn qaıta bastady», - delingen habarlamada.
Esterińizge sala keteıik, Gazadaǵy atysty toqtatý týraly kelisim 24 qarasha kúni tańerteń kúshine endi. Seısenbi kúni HAMAS pen Izraıl tutqyndardyń besinshi tobymen almasty. Keshe barlyq áıel men bala bosatylǵan jaǵdaıda Izraıl soǵys qımyldaryn toqtatý merzimin uzartatyny habarlanǵan bolatyn.
