Kelini ury bolyp shyqty: túrkistandyq áıel óz úıinen 8,5 mln teńgeniń altynyn qoldy etken
TÚRKІSTAN. KAZINFORM – Túrkistan oblysynda polıtsııa qyzmetkerleri 8,5 mıllıon teńge kóleminde materıaldyq shyǵyn keltirilgen páter urlyǵy deregin der kezinde anyqtap, qylmystyń betin ashty, dep habarlaıdy Polisia.kz.
Polıtsııa málimetinshe, jergilikti turǵyn quqyq qorǵaý organdaryna aryzdana otyryp, óz úıinen altyn buıymdary men aqshasynyń urlanǵanyn habarlaǵan. Aryz túse salysymen tájirıbeli jedel ýákilderden arnaıy top qurylyp, qajetti jedel-izdestirý is-sharalary qolǵa alynǵan.
Júrgizilgen jumystardyń nátıjesinde kúdikti retinde jábirlenýshiniń kelini anyqtaldy. Tergeý derekterine sáıkes, ol bıyl mamyr aıynan beri úıden túrli kólemdegi altyn áshekeıler men qolma-qol aqshany jasyryn túrde alyp otyrǵan.
Jábirlenýshige keltirilgen jalpy materıaldyq shyǵyn 8 mıllıon 500 myń teńgeni qurady. Kúdikti urlanǵan altyn buıymdardy lombardtarǵa ótkizip, túsken aqshany qumar oıyndarǵa jumsaǵany anyqtaldy.
Qazirgi ýaqytta atalǵan derek boıynsha sotqa deıingi tergeý júrgizilip jatyr, barlyq mán-jaı anyqtalýda.
Aıta keteıik, Jetisý oblysynda mal urlyǵyna qatysy bar úsh adam qamaýǵa alyndy.