Kelini enesiniń áshekeıin satyp jiberip, qylmysty jasyrmaq bolǵan

ASTANA. KAZINFORM – Qosshy qalasynyń turǵyny enesiniń altyn júzigin lombardqa ótkizip, qurbysynyń aldynda aqshalaı qaryzynan qutylǵan. Bul týraly Aqmola oblysynyń prokýratýrasynyń baspasóz qyzmeti habarlady. 

Keıinnen bul oqıǵany ol enensinen jasyrý úshin úıindegi zattardy shashyp, jalǵan urlyq uıymdastyryp, polıtsııaǵa habarlaǵan.

Qosshy qalasy prokýratýrasynyń úılestirýimen, polıtsııa bólimi tergeýshisiniń kásibıliginiń jáne isti egjeı-tegjeıli tergep-tekserýiniń nátıjesinde oqıǵanyń shynaıy mán-jaıy anyqtaldy.

— Nátıjesinde azamatsha «N» qylmys jasalǵany týraly kórineý jalǵan sóz jetkizgeni úshin Qylmystyq kodeksiniń 419-babynyń 2-bóligimen qylmystyq jaýapkershilikke tartyldy, — delingen habarlamada.

Bundaı qylmys úshin bes jylǵa deıingi merzimge bas bostandyǵynan aıyrý jazasy qarastyrylǵany týraly prokýratýra eskertedi.